يــا حـجـــة الله
اقرأ للكاتب أيضاً
اقرأ أيضاً
ياحجة الله
قصيدة شارك بها الأستاذ / حبيب آل يوسف في الأمسية الشعرية ضمن برنامج الليالي الفاطمية ( عروجاً إلى فاطمة ) بأم الحمام 1430هـ
|
يا حجة الله ادموع لـموالـي جريّه
اتسطر مصيبة فاطمه وتروي القضيّـه
دمع الـموالـي يكتب اشفعلـت العدوان
في دفتر الـمأسـاة يشــرح للرزيّه
خل نفتح الدفـتـر ونقرا بيه ونشـوف
بدمـوم حمره امدونه كل الأسيّـه
كل الجرى اعلى الزهرا يا حجه من أحزان
يفجع قلب لسلام والهادي نبيّه
بنت النبي وشمامتـه وخدامها الحور
من بعد عينه قاست أصناف الأذيّه
ست النسا وتستأذن اعليها الأملاك
وبلا أذن جاها ولطمها ابن الدعيّه
والله عجايب على الزهرا تدخـل أجناب
وشلون ما طاح العرش فوق الوطيّه
وحتى تعلمنا الستر راحت ورا الباب
حتى تثبت بالأمـم هاي السجيّـه
ادروس تعطي رغم محنتها وألـمهـا
تمشي اعلى نهج الـمصطفـى خير البريّه
بين الجدار وبابها لاذت أم احسين
تخشى تناظرها العيون الأجنبيّه
لكن أحس الطاغيّه بأنوارها اتـنـور
بين الجدار وبابها شمـسٍ مضيّـه
حط ظهره اعلى الباب وارجوله بلجدار
يعصر الزهرا وين حماي الحميّه
صاحـت ادركني يا علي يا داحي الباب
إنتَ الغيور انهض ترى هجموا عليّه
حيدر سمعها ويدري بتكسير لضلاع
لكن اشبيده ملتزم أمر الوصيّـه
او تدري الزهرا بعذره لكن عدها أهداف
مقصودها اتبيـن أصول الناصبيّـه
واسمع بعض من هالجرى الها والذي صار
من ظلم وجور أرجاس زمرة بني أميّه
وخلنا نبث شكوانـا للواحد الجبار
ونستـنهض الحجه الخلف باقي البقيّه
يا حجة الله ابدار أمك شبوا النار
ومنها شرارة خيم أرض الغاضريّـه
يا حجة الله سقطوا محسن بلعتاب
وعبدالله يوم الطف قضى بسهم الـمنيّـه
يا حجة الله ابصدر أمك نبت مسمار
والسهم لـمثلـث فرى احسين الشفيّـه
يا حجة الله كسّروا للطهر ضلعـين
ورضت أضلاع احسين خيل الأعوجيّه
يا حجة الله حيدره قادوه مأسور
وجدك علي السجـاد راح اعلى الـمطيــّـه
يا حجة الله فاطمه تنتخي بفضه
وزينب بعد لحسين يا حجه سبيّـه
يا حجة الله نِحلة الزهرا خذوهـا
ومن كربله النسوان ودوهم هديّه
يعني الجرى كله يبو صالح من امصاب
أصله مصايـب بضعة الهادي الزﭽيّه
يكفي يبو صالح صبر يا صاحـب الثار
انهض فدتك أرواح كل الجعفريّه
يمته من أرض مكه تطب لأرض طيبه
فوق الـمهـر تـتساطـع أنوارك زهيّه
والسيف بيدك من احدوده ينضح الـمـوت
واتفجر الثوره على الزمره البغيّه
والرايه ابثار البتوله اترفرف اعليك
وثارات أهل البيت والشيعه سويّـه
واحنا من خلفك سيدي بتهليل وتكبير
شيعتك والأرواح تـتـقـدم عطيّـه
لن سيدي كل جعفري ما ينسى لـمصـاب
ﭽـن الـمصيـبـه اقبال عينه مستويّـه
كم عام مر اعلى الـمصيبـه يا بوصالح
لكن تظل في قلب كل شيعي نديّه
كل ما تمر ليام تـتـجـدد الذكـرى
بالـحـزن تـتــفـجـر مواكب للعزيّـه
يحييها كل شيعي موالي يعشق الآل
طول العمر حتى تـحـل بيه الـمنيّـه |
