أنا موه شاعرْ أنا باقة حروف
أنا موه شاعرْ أنا باقة حروف
أنا اكتاب اومظهره جداً جلي
أنا في التاريخ موه صفحة أحزانْ
ولا ادموعْ اتغرّقْ اخدود الولي
أنا في الإسلام موه لطم اوبكاءْ
اولا رفُضْ يا أمة الحقْ دسألي
أنا حبة رمِلْ من أرض الطفوفْ
يوم داستها اعوجيه تعتلي
شرفْ من نحر الإبا مولود أنا
ابيوم عاشر أرخّيني اوسجّلي
ابيوم عاشر كثرت انصار الحسين
ونصهرْ وسط الهزايم قاتلي
عرشه اتهدم غدا ابقعر الجحيم
وانبنى اجوار الأئمة منزلي
كربلا صارت لها اتحج الألوف
اوقصر اميّهْ من طواغيته خلي
منهو قال الشمر داس اعلى الحسين ؟
الحسين ابنعله داسه ، اوحقْ علي
آنا شاهدْ صوت زينب مزقه
اوصار لعنةْ ألسنه يلتسألي
سوطه هزه اونزلْ في كف جبرئيل
فوق راسه كسَّره ، اوظل يصطلي
منهو قال الشيعي يسجد على اتراب ؟
هاي قطعة من نحر أعظم ولي
شمها جده المصطفى اودمْ دمعه سال
اوصاح وسفه اعليك آه يمدللي
يلتظن ابكربلا نعبد قـُبور
خايب احساسك ترى انته المبتلي
طفنا حول القبر قبلنا الضريح
والنتيجه شوف اولا ترجع إلي
صحنا بس هيهات اوحررنا الجنوبْ
قال ربنا للملائك دنزلي
هناك شافت بطل مقطوع الچفوف
والچفوف اتحومْ وتحارب ، بلي
يعني لوْ لوَّحْنا بقماط الرضيع
غزة ترجع والقدُسْ ما تنولي
غاندي - حرر بلاده بالحسين
وحْنا كل ابلادنا سجن الهلي
يا عرب يسلامْ عاشورا لكُمْ
لو تبعتوا السُبُطْ همكم ينجلي
أنا منْ نهجه الواضحْ لي طريق
اوخنصره المقطوع صاير مشعلي
على اخيامه أكتب أبيات القصيد
يا قوافي الشعر لجله هللي
وانثري ادموع القلم فوق السحابْ
اويا سحايبْ بالعطيات اهطلي
يا قوافي الشعرْ قولي لليضوج
من مراجعنا أنا السيستاني لي
لي الشيرازي ولي محمد تقي
لي التبريزي اوهوى السيد عليْ
كلنا واحد في هوانا للحسين
افتحي اقلوب الولا واتأملي
على صفحات السما خطي المصاب
اوعن بطولات العقيله فصلي
اوحطي بيت الشعر في ماي الفرات
اونحر أبو اليمه دخيلچ بللي
بس ذكرت العطش جف حبر اليراع
اونضب شعري عني إنتي كمِّلي
سعيد الشبيب
محرم 1430هـ
